En Cooperativa HOXE estamos encantados de seguir participando nos obradoiros organizados por Vegalsa Eroski para que os máis pequenos aprendan a elaborar pan e queixo ao longo das súas distintas fases.
Durante estes talleres as nenas e nenos que participaron mostráronse en todo momento moi contentos, activos e participativos na elaboración destes produtos galegos.
Nesta ocasión estivemos no Eroski de Sixalbo, (Ourense).
Deixámosvos unha galería de imaxes nas que podedes ver o ben que o pasamos, e é que xa se sabe que:
Pan e queixo (se son galegos) saben a beixo!!
Características dos nosos queixos Hoxe
Os queixos galegos da Cooperativa Hoxe son un produto galego de calidade. Os nosos queixos son elaborados só con produtos naturais. A leite é recollida tódolos días en explotacións gandeiras familiares galegas. As vacas están en réxime de pastoreo e nas mellores condicións para a saúde animal.
Contamos cunha amplia variedade de queixos galegos perfectos para celebrar ocasións especiais ou para situacións cotiás, pero tamén para cociñar as máis exquisitas receitas (consulta receitas na nosa páxina web).
Os nosos queixos Hoxe elabóranse de forma tradicional seguindo métodos de antaño. Por eso conservan o sabor característico dos queixos galegos.
Na nosa tenda online encontrarás lotes de degustación dos nosos queixos.
