O queixo Cremosiño Nai é un produto tradicional de gran calidade, caracterizado pola súa pasta lixeiramente prensada, extremadamente branda e cremosa. A súa textura untuosa ofrece unha experiencia suave ao padal, cun sabor delicado e doce que lembra ao iogur ou ao leite fresco, o que o converte nun queixo moi apetecible e versátil.
Elaborado a partir de leite pasteurizado de vaca, este queixo destaca por presentarse nunha caixiña de madeira, debido á súa cremosidade, que fai difícil manter a súa forma sen un soporte. Antigamente, este tipo de queixos envolvíanse en panos ou telas para preservar a súa forma e consistencia.
Na cociña é un queixo ideal para acompañar pratos de carne e peixe, xa que a súa suavidade non enmascara os sabores naturais dos alimentos, senón que os complementa de maneira sutil.
O seu proceso de maduración comeza a partir dos nove días, e preséntase en dúas versións: unha peza pequena de 800 gramos e outra máis grande de 3 quilos, adaptándose así a distintas necesidades.
En canto a maridaxes combina perfectamente cun vermú galego ou con viños brancos xóvenes, especialmente de denominacións como Ribeiro e Rías Baixas, destacando os Albariños, que resaltan o seu sabor suave e cremoso.
Este queixo, fiel á tradición galega, é unha verdadeira delicia para os amantes dos queixos de sabor suave e textura cremosa.
Valores medos por cada 100 gramos
| VALOR ENERXÉTICO | 337 KCAL |
|---|---|
| Graxas
De las cuales, saturadas |
27 g
18 g |
| Hidratos de carbono
De los cuales azúcares |
1 g
0,5 g |
| Proteínas | 18,0 g |
| Sal | 1,2 g |
A elaboración é de forma tradicional. Énchense os moldes, prénsanse para que tomen a forma e textura adecuada. Oréanse os queixos en cámaras de maduración, recúbrense as codias para que non florezan os mofos e embálanse en caixas para o seu posterior envío ás tendas.
